هل أنت مقتنع أنك رئيساً لمصر
رئيساً لمصر أى رئيسا لكل المصريين مش رئيس لفئه تقول عنها أنها أهلك وعشيرتك والباقى معرفوش لو وحشاك روحلها واترمى فى احضانها وخد اوامرك منها رسميا مش من وراء ستار والناس تستناك لحد ما تعمل تليفون وترجع ترغى وتصدعنا بكلام مش مفهوم لا يودى ولا يجيب

ليه خرجت لأهلك وعشيرتك أمام الاتحاديه قبل كده وخفت تخرج للثوار الحقيقيين وهربت
لييييه لأنك لو عدلت لأمنت

يؤسفنى ويحُذ فى نفسى ويستفزنى أنك لست سيد قرارك ولكنك تابع للمرشد بتاعك تنتظر أوامره العبيطة
بكل ثقه أقول أن جماعه الاخوان أساءت للإسلام بتصرفاتها السياسيه الغبيه وإستخدام الشعارات الدينيه لحصد مكاسب سياسيه فقط أقوال لا أفعال
وأظن معروف انكم ملكوش أمان من زمان وكذب وغيره فالثابت أن الدين المعامله وانتوا معاملتكم وحشه جدااا
  حسبي الله ونعم الوكيل فيكم انتوا وبعض الدعاه الجهله حتى بمبادئ الإسلام
الإسلام يعنى التسامح يعنى الأخلاق يعنى الصدق يعنى عدم السب وقذف الناس بالباطل لمجرد أن رأيهم عكس رأيكم
الإسلام ضد الظلم

الحل ياأخ مرسى واحد مفيش غيره وكان المفروض عملته من بدرى
إلغاء الإعلان المدعو دستورى وإلغاء الإستفتاء
ثم إجراء حوار مفتوح مع كل المعارضه ونتفق على الخطوات بجدول زمنى محدد بكل شفافيه ومصداقيه وعدم الرجوع فيما يتم الإتفاق عليه ودى بالذات تحتها مليييييون خط
  وربنا يستر على البلد